السلام عليكم ورحمة الله وبركاته
اولا كل عام وانتم بخير
وعساكم يارب من عواده
وثانيا اطرح بين ايديكم قصيده
واتمنى ان تنال اعجابكم
000000
لـــو كنت اعيش الوقـــت باحســاس كذّاب
ما كـــــان حالـــــي مثـــــل منتــو تشوفون
ولو ما احسب لكلمة اريده كــــــذا احساب
مـــا كــــان عاش الجـــــرح فيني ومدفون
اقــــولها وادري مـــــــن الناس احـــزاب
قامــــــت تنبش بـــــس خلهــــم يولــــون
يا ابو رهـــــام القلب صابــــر ومنصـــاب
اداوي اوجـــــــاعه مــــن العام بالهـــون
أسد بـــــاب وتنفتـــح عشـــــرة ابــــــواب
غــــير النكد والهـــم والضيق واشجـــون
مـــــرات اقــول الوقت خايب ولا خــــــاب
ومـــرات احس انــي مــن الوقت مطعون
مليت!!وادري ملني دمـــــع واهـــــــــداب
مــــن زود مـــذرف وجنتينــــي يصيحــون
ويا ابو رهام الطيب في الوقت وش جـاب
شـــوف الاوادم كيــــف عنّــــه يشومــون
هـــــذا الزمــــن غابــه ومليانــه اذيـــاب
وان مــــــا غدينا اذيــــاب والله يدوسـون
وانا مريد الــــذل فـــي الــــــوقت واهـاب
واشـــــوف مـــن حولي على الذل ينوون
ويابو رهـــام اضلــوع قلبي ترى احطاب
اشعل ضلوعي واحرق الروح لا تهـــون
بقلمي/
الوفي يبقى وفي
((ابراهيم العسيري))
لا اسمح بنقلها الا بذكر المصدر
♫‗=¨‾أهلا وسهلا بك زائرنا الكريم‾¨=‗♫
موضوع: لـــو كنت اعيش الوقـــت باحســاس كذّاب